Yalnız taleyə düşünmədən inanın, eləcə də ona inanmayın. Xoşbəxtliyə üstünlük verin, ancaq ona yetişməkdən ötrü sizdən asılı olan hər şeyi edin, sizə yuxarıdan verilən imkanı buraxmayın.

Ləngimələrdən və dayanmalardan qaçın. Bu gün yerinə yetirmək imkanında olduğunuz və edə biləcəyinizi heç vaxt sabaha saxlamayın

Sizin üçün ən mühüm olan iş indi, hal-hazırda məşğul olduğunuz işdir.

Hər hansı işi sakit və tam yerinə yetirməyə cəhd edin. Onlarsız keçirmək olmayan cəldliyi, məharəti və diribaşlığı onlarsız keçinmək lazım olan  tələskənliklə və boş-boşuna işlə,  dolaşıq salmayın.

Bir dəqiqə də olsun yadınızdan çıxarmayın: uğur və xoşbəxtlik həm Tanrıdan, həm də sizin məşğul olduğunuz işə münasibətinizdən asılıdır.

Özünüzü əxlaqsızlıqla murdarlamayın, vucudunuzun və qəlbinizin təmizliyinə riayət edin, alçalmayın və başqalarını alçaltmayın.

Başınızı qaldırın, gözlərinizi geniş açın, çiyinlərinizi düzəldin, özünüzə dərindən təmiz və sağlam hava alın, bir neçə saniyə nəfəsinizi saxlayın: Sonra ruhunuza çevrilin, öz-özünüzə qətiyyətlə və sarsılmadan deyin: “Mən özümdə özünütəlqin vasitəsi ilə sehrli qüvvəni inkişaf etdirmişəm, bu, mənə güclü arzu və yorulmazlıq verir, inamı isə mənə Allah verir”.

Bütün hərəkətlərinizdə və fəaliyyətinizdə şücaət göstərməklə  cürətli və möhkəm addımlarla məqsədə doğru irəli gedin.

Xoşbəxtliyə gedən yolda hər şeydən öncə özünüzü fiziki və mənəvi cəhətdən islah edin; özünüzü tədqiq edin və öyrənin, sizi izləyən uğursuzluqların səbəblərini tapın və onların aradan qaldırılması ilə məşğul olun. Əgər siz hər hansı fiziki nasazlıqdan, yaxud xəstəlikdən əziyyət çəkirsinizsə, müalicə ilə məşğul olun. Əgər həmin uğursuzluqların səbəbi iyrəng adətlərə sürükləyirsə, özünü təlqinetmə və meditasiya vasitəsilə ondan uzaqlaşmağa can atın.

Lovğalıq, gopçuluq və boşboğazlıq qəlbin ən şiddətli arzu və ehtiraslarını zəhərləyir.

Çalışqan adam çox iş gürür, ancaq az danışır.

Aldatmayın, ikiüzlülük etməyin.

Öz-özünüzü aldatmayın, onda başqasını da aldada bilməzsiniz.

Firavanlığa, əmin-amanlığa və uğura yetişməkdən ötrü yalandan istifadə etmək səhv görünür. Yalan istər-istəməz peşimançılığa aparır.

Spirtli işçilərdən, siqaret və narkotik maddələrdən istifadəni həyatda uğura gedən yolda çətinliklərin və dəhşətli fəlakətlərin mənbəyi saymaq lazımdır.

Çox ziyanlı istəklərdən, ehtiraslardan özünü təlqin etmək yolu ilə azad olmaqdan ötrü bütün qüvvənizi qoyun.

Spirt və tütün beyni zəhərləyir, ağlı dolaşdırır, səyi azaldır və ömrü qısaldır.

Cəmiyyətdə özünüzün şərəfini qorumağı, sizin həyat yolunuzdakı uğurların ondan çox asılı olduğu ünsiyyətdə xoşagələn olmağı bacarın.

Ətrafınızdakılarda xoş təəssürat yaratmaqdan ötrü özünüzü ləyaqətli tutun, ancaq təkəbbürlük etməyin, mehriban səslə düzgün, sakit və qısa danışın.

Söhbət zamanı həmişə müsahibinizin gözlərinə baxın, səbirlə və diqqətlə onu dinləyin, ona fikirlərini bütöv söyləməyə imkan verin, əgər lazım olarsa, sakit, ehtiyatla, ədəblə mübahisə edin, geri çəkilməyin, təhqiredici ifadələrlə, eyhamlara və nəzərlərə yol verməyin.

Cəsarətlə müdafiə olunun, sizi incidənlərə tutarlı cavab verin, amma müdafiə olunarkən nəzakətsizlik etməyin, mübahisəmi münaqişəyə çevirməyin.

Mərhəmət, şəfqət və xeyirxahlıq düşünməklə, ehtiyyatla olmalıdır.

Maddi və mənəvi cəhətdən sərbəstliyə can atın.

Sizə qorxu hiss etdirən işlərdən qaçın, ümidsiz, nəticəsiz işlərin ardınca getməyin.

Hər bir işi götür-qoy etməkdən başlayın, kiçikdən başlayın və tədricən böyüyünə keçin.

Öhdənizə götürdüyünüz işdə şübhələrə yol verməyin, onu çalışqanlıqla və inamla yerinə yetirin və onu etməyə icazə verilmiş bütün vasitələri sınaqdan keçirənə qədər ondan əl çəkməyin.

Fərasətsiz xülyaçılar – böyük işlərin ardınca can atanlar, birbaşa buludlara qalxmağa cəhd göstərmək faydasızdır və cəmiyyətə ağır yükdür.

Istedadlı və qabiliyyətli adamlar kiçikdən başlamaqla tədricən böyük işlərə nail olurlar.

Həvəsinizə və qabiliyyətinizə uyğun işlə məşğul olun. Onun nə olduğunu müəyyənləşdirməkdən ötrü vaxtınızı və qüvvənizi əsirgəmədən özünüzü öyrənin.

Yalnız o sahədə uğur qazanmaq mümkündür ki, o, sizin könlünüzcədir.

Zəngin bilik mənbəyi müşahidələrə, şəxsən özünüzün və ətrafınızdakıların həyatını təfərrüatı ilə öyrənməyə bağlıdır.   

Fiziki və mənəvi gücün tükənməsinə aparan israfçılıq-dan qorxun.

Təbiətlə çox yaxın olmağa can atın. Meşəni sevin, günəşi, dənizi, dağları və geniş çölləri sevin.

Zəhlətökən, qəmgin, xoşagəlməz fikirlərdən və hisslərdən tezliklə uzaqlaşmağa çalışın.

Həsədin artmasına yol verməyin. Qəlbilinizin sakitliyini və dünyanızı qoruyun.

Imkan düşdükcə qulaqlarınızı və könlünüzü musiqi və mahnılarla şənləndirin.

Hansı yaşda olmağınızdan asılı olmayaraq özünüzü kamilləşdirməkdən ötrü yaşlı olduğunuzu sanmayın.

Yenməkdə qaydaları gözləyin və aza qane olun. Ətdən bolluca istifadə etmək çox zərərlidir: o, qeyrəti kütləşdirir, süstlüyə və fəaliyyətsizliyə aparır. Stolunuzun üstünü müxtəlif nemətlərlə çeşidli etməyə çalışın.

Süd məhsulları, tərəvəz, meyvələrlə, bir az da ətlə qidalanın. Heç vaxt həddindən çox yeməyin.

Varlı yaşayın. Borcdan qaçın. Mümkün olduqca qara gün üçün ehtiyat saxlamağa cəhd göstərin.

Vicdanla yaşayın, sərbəst və azad olacaqsınız, deməli, Allaha yaxın, xoşbəxtliyə yaxın olacaqsınız.

Sizi əhatə edənlərdən, ümumiyyətlə sizə yaxın olanlardan fəaliyyət və faydalı əmək tələb edin.

Elə edin ki, sizin evinizdə sağlam müftəxorlar olmasın.

Başqalarının hərəkətini və davranışlarını məzəmmət etmək və müzakirə etməkdən qabaq qərəzsiz olaraq özünüz-özünüzü mühakimə etməyi öyrənin.

Kim öz həyatını namusla yaşayırsa və öz yaxınlarını incitmirsə, onun üçün vicdanının ləkələnməsi qorxusu yoxdur.

Gərəksiz təm-təraq, cah-cəlal, inrafçılıq son həddə tənbəllik və bacarıqsızlıqdan erkən ölümə aparır.

Sadə şüurlu həyat tərzi və aza qane olan zəhmət möhkəmlik və qüvvət verir.

Yaxın adamlarını və pulunun itrmək istənilən hər bir kəsə bədbəxtlik gətirir, lakin düşüncəsini, təbiətə məhəbbətini və şəxsi ləyaqətini itirən kəslər onlardan yüz dəfə artıq bədbəxtdirlər.

Xoşbəxtlik və bədbəxtlik sizin fikirlərinizin istiqamətinin izləyicisi hesab olunur.

Saxta xəcalət – ağılı və qəlbi iflic edən ağır yükdür.

Keçmişinizin və indiki həyatınızın necə olmasından asılı olmayaraq xoşbəxt gələcəyin mümkünlüyünə inanın.

Öz özəl həyatını qurmağı bacarmayanlar başqalarına necə yaşamağı və nə etməyi göstərə bilməzlər.

Hər bir adamın hansısa qabiliyyəti, öz bacarığı və istedadı var. Həmin qabiliyyətlərdən yararlanmağı bacaran zaman istedadın inkişafına və həyatda xoşbəxtliyə nail olurlar.

Var-dövlətin, hakimiyyətin və hətta sağlamlığın arxasında istənilən həqiqi uğurun əsasında dayanan təmiz vicdan və qəlb rahatlığı yoxdursa, həmişəlik deyil və ötəridir.

Həmişə münaqişədən qaçın.  O, hər iki tərəf üçün eyni dərəcədə faydasızdır. Burada istisna yoxdur.

Yalan tez cücərir və tez də ölür. Doğruluq gec, həm də hiss olunmadan yetişir, amma hədər olmur.

Boşboğaz fikirləşmədən çox danışır. Ağıllı qulaq asır, fikirləşir, amma az danışır.

Aqil o zaman danışır ki, söhbət ən yaxşı halda susmaqdan gedir.

Uğursuz cəhddə yaxınlarınızın səhvlərini , yaxud çatışmaz-lıqlarını düzəltməklə, siz özünüzün şəxsi xarakterinizin, öz inamınızın zəifliyini görə bilərsiniz.

Incəsənət, elm və istənilən əmək yalnız insana xeyir gətirəndə və xeyirxahlığa yönələndə öz təyinatını doğruldur.

Insanın xarakterini, ləyaqətini və çatışmazlığını yalnız təhlükəli və çətin anlarda onun özünü necə aparması ilə dəqiq müəyyənləşdirmək olar. Ən böyük müdriklik insana Tanrı tərəfindən verilən, təyin olunan alın yazısı ilə barışmaq bacarığına bağlıdır.

Zehni məşğuliyyət, həm də naməlum istisnalar olmayan ovsunla məşğuliyyət təkmilləşir, zənginləşir, ancaq ağılı doldurmur.

Namusla, səmimiyyətlə, ədalətlə hərəkət edin və işinizin qiyməti haqqında narahat olmayın: onların layiqli  qiymət alacağına inanın.

Zahiri dövlət məhv olan və ötüb keçəndir, mənəvi dövlət  böyük və əbədidir. Ona görə də müdriklər mənəvi aləmi ilə, qanmazlar isə zahiri görünüşləri ilə qayğılanırlar.

Fəlakət çox zaman dözülməz kimi görünür, ona görə yox ki, o böyükdür, ona görə ki, bizim vəhiməmiz onun qarşısındadır.

Kim başına gələn bədbəxtlikdən vicdanla və təmiz çıxarsa, həmin kəs yaşamağa sevinməlidir, çünki o, xeyir gətirmişdir.

Insanın qəlbi bütün mənəvi sərvəti qorunan anbardır. Siz nahaq düşünürsünüz ki, həmin sərvət azalır.

Mənəvi düşgünlüyün ən sonuncu pilləsi həqiqət qarşısındakı qorxudan ibarətdir. Yazıq və dəyərsiz o adamdır ki, həqiqətdən qorxur.

Insan üçün ən böyük təhlükə özünün şəxsi ehtiraslarının nümayiş etdirməsidir. Içindəki şeytanı cilovlamağı bacaran çölündəki şeytanlarla rahat bacarır. Çünki onlar arzuları üzərində hakimlik edənlərdən zəifdirlər.

Öz ağlımızın meyvələrindən istifadə etməyi bacarmaqda bizim xoşbəxtliyimizin sirri var.

Düşmənlər üzərində öz xeyirxahlığınızla, açıqürəkliliyinizlə, mehribanlığınızla və biliyinizlə qələbə çalın.

Əsil xoşbəxtliyə nail olmaq, imkan düşdükcə başqalarını xeyirə və xoşbəxtliyə çatdırmaqdır.

Mənəvi zənginlik və xeyirxahlıq tənbəllik və fəaliyyətsizliklə bir araya sığmaz.

Öz hərəkətlərinizə qiyməti özünüzdən açağıdakılardan deyil, özünüzə tay olanlardan və sizdən yüksək olanlardan gözləyin.

Güc və müdriklik özünüzün ehtirasları üzərində qələbə çalmaq bacarığı ilə ölçülür.

Sözünün üstündə durmaq və ciddi-cəhd naməlum olanları aydınlaşdırır, ağır olanları yüngülləşdirir, mümkünsüzləri mümkün edir.

Düşünməmiş dediyiniz sözlərdə ehtiyatlı olun, onlar mütləq özünüzə qayıdar və bədbəxtlik törədər.

Ağılla deyilmiş bir söz insanı təhlükədən qurtarar; ağılsız deyilmiş bir söz onu məhvə sürükləyər.

Tərif və tənqid eyni dərəcədə zərərlidir.

Aqil təbiətdə və öz ətrafında onu yerdə qalanlarla bağlayanları və birləşdirən bağları axtarır; ağılsız isə həmin bağları qıran şeyləri axtarır.

Sizin istənilən qabiliyyətiniz, hətta qeyri-adi qabiliyyətiniz yalnız xeyir gətirmək imkanı verdikdə və başqalarına kömək göstərdikdə öz qiymətini tapır.

Müdrikliyi dərs öyrətməklə deyil, öyrənməyə can atmaqla dərk edin.

Insanlığın fasiləsiz və qaçılmaz yalnız iki yolu var: ağıllılar yuxarılara tabe olur, dərrakələrini ağılla, xeyirxahlıqla və qüvvə ilə yüksəldir və kamilliyə çatırlar; alçalmışlar və boşboğazlar əxlaqsızlıq və hörmətsizliklə zülmətə sürüklənir, heç nəyə çevrilirlər.